संसदको हिउँदे अधिवेशन औपचारिक रूपमा अन्त्य

काठमाडौं । संसद्को चालु हिउँदे अधिवेशन मंगलबार राति १२ बजेदेखि औपचारिक रूपमा अन्त्य भएको छ। राष्ट्रपति रामचन्द्र पौडेलले मन्त्रिपरिषद्को सिफारिसअनुसार अधिवेशन अन्त्य गरेका हुन्। सोमबार बसेको मन्त्रिपरिषद्को बैठकले संसद अधिवेशन अन्त्य गर्न राष्ट्रपतिसमक्ष सिफारिस गरेको थियो। गत १८ माघमा सुरु भएको हिउँदे अधिवेशन आजको संसद बैठकसँगै सम्पन्न भएको छ।