दार्चुला । महाकाली नदी तर्ने क्रममा तुइनबाट खसेर एक बालक बेपत्ता भएका छन् ।
तुइनबाट नदी तर्ने क्रममा दार्चुलाको ब्यास गाउँपालिका–४ डोकटका १० वर्षीय बालक दिपेन्द्र बिष्ट खसेर बेपत्ता भएको प्रहरीले जनाएको छ । जिल्ला प्रहरी कार्यालयका दार्चुलाका अनुसार बालक बिहीबार बिहान तुइनबाट नदि तर्ने क्रममा बेपत्ता भए पनि शनिबार मात्र खबर प्राप्त भएको हो । खबर प्राप्त भएपछि स्थानीय प्रहरी टोली बालकको खोजीमा खटिएको थियो ।
बिहीबार बिहान बालककी आमा तुइनमार्फत खर काट्न भारतीय जंगलमा पुगेकी थिइन् । बालक पनि उनीसँगै गएका थिए । सोही क्रममा बालक तुइनबाट खसेर बेपत्ता भएका थिए ।
प्रतिक्रिया