बागलुङ । चैते दसैँको अवसरमा बागलुङ स्थित कालिका मन्दिरमा भक्तजनको भीड बढेको छ। आइतबारदेखि शुरु भएको नवरात्रमा मन्दिरमा विशेष पूजाआराधना र बलि दिइने परम्परा अनुसार भक्तजनहरू दूरदूरबाट मन्दिरमा पूजा गर्न आएका छन्।
कालिका भगवती गुठी व्यवस्थापन समितिका अध्यक्ष कुमार खड्काका अनुसार, चैते दसैँको तेस्रो दिनसम्म दैनिक हजारौँ भक्तजन मन्दिरमा आउने गरेका छन् र यस पटक पाँच लाखभन्दा बढी भक्तजनको आगमनको अनुमान गरिएको छ।
चैत २० गतेदेखि मन्दिरमा मेलाको आयोजना गरिएको छ, जसमा स्थानीय कला र संस्कृति झल्कने झाँकी प्रदर्शन हुनेछ। मेला आयोजको लागि ५५ लाख रुपैयाँ खर्चको अनुमान गरिएको छ।
प्रतिक्रिया