पुम्दिकोट । पोखरा महानगरपालिका–२२ पुम्दिकोटमा बुधबार दिउँसो नगर बस दुर्घटना हुँदा २० जना यात्रु घाइते भएका छन्।
पुम्दिकोटबाट पोखरातर्फ गइरहेको ग १ ख ३८८६ नम्बरको नगर बस अनियन्त्रित भई पल्टिएको हो। बसमा २६ जना सवार थिए, जसमध्ये २० जना घाइते भएको जिल्ला प्रहरी कार्यालय कास्कीले जानकारी दिएको छ। कास्कीका प्रहरी प्रवक्ता डिएसपी हरिबहादुर बस्नेतका अनुसार घाइतेमध्ये ४ जनाको अवस्था गम्भीर छ र उनीहरूलाई उपचारका लागि अस्पताल पठाइएको छ।
प्रारम्भिक अनुसन्धानअनुसार बस अनियन्त्रित भएर दुर्घटना भएको जनाइएको छ। प्रहरीले घटनाको थप अनुसन्धान गरिरहेको जनाएको छ।
प्रतिक्रिया