खसीको नाममा बाख्रीको मासु बेच्ने पक्राउ

बुटवल । बुटवल उपमहानगरपालिका–१ जितगढीका मेराज शाहलाई खसीको मासुको नाममा बाख्रीको मासु बेच्ने आरोपमा प्रहरीले पक्राउ गरेको छ।

प्रहरीका अनुसार शाहले विभिन्न स्थानबाट बाख्री खरिद गरी आफ्नै घरमा काटेर, मासु पसलमा खसी वा बोका भनेर उपभोक्तालाई ठग्दै आएका थिए।

गोप्य सूचनाका आधारमा इलाका प्रहरी कार्यालय बुटवलबाट खटिएको टोलीले शाहको घरमा खानतलासी गर्दा बाख्रीको टाउको, २९ के.जी. काटिएको मासु र ४१ के.जी. तयारी मासु फेला पारेको थियो।

शाहमाथि कालो बजार तथा केही अन्य सामाजिक अपराध तथा सजाय ऐन २०३२ अन्तर्गत मुद्दा दर्ता गरिएको छ भने जिल्ला प्रशासन कार्यालयबाट ७ दिनको म्याद थप गरी अनुसन्धान जारी रहेको प्रहरीले जनाएको छ।