स्वच्छ बुटवलका लागि रुद्रगण र एम.आर.आर. टिम बुटवलको उदाहरणीय पहल

बुटवल । नेपाल सरकारले सञ्चालन गरेको सरसफाई सप्ताह अभियानप्रति स्वागत तथा ऐक्यबद्धता जनाउँदै बुटवल बसपार्क क्षेत्रमा सरसफाई कार्यक्रम सम्पन्न गरिएको छ।

रुद्रगण र एम.आर.आर. टिम बुटवलको संयुक्त आयोजनामा सम्पन्न कार्यक्रममा बसपार्क परिसर तथा आसपासका क्षेत्रमा सरसफाई गरिएको हो। कार्यक्रममा युवाहरू, सामाजिक अभियन्ता तथा स्थानीयवासीहरूको उल्लेखनीय सहभागिता रहेको थियो।

सहभागीहरूले सार्वजनिक स्थललाई स्वच्छ र सफा राख्नु सबै नागरिकको दायित्व भएको उल्लेख गर्दै वातावरण संरक्षणमा सामूहिक प्रयास आवश्यक रहेको बताए । सरसफाई अभियानमार्फत फोहोर व्यवस्थापन, वातावरणीय सचेतना तथा सामाजिक उत्तरदायित्वबारे जनचेतना फैलाउने उद्देश्य राखिएको आयोजकले जनाएको छ।

आयोजक संस्थाले यस्ता सामाजिक तथा वातावरणीय अभियानलाई आगामी दिनमा पनि निरन्तरता दिने प्रतिबद्धता व्यक्त गरेका छन्।