बुटवल । अर्ली बोर्डिङ स्कुलका यू.के.जी. कक्षामा अध्ययनरत विद्यार्थीहरूले निभान अस्पताल प्रा. लि. को शैक्षिक भ्रमण गरेका छन्।
बालबालिकालाई व्यवहारिक तथा सिर्जनात्मक शिक्षासँग जोड्ने उद्देश्यले आयोजना गरिएको उक्त भ्रमणका क्रममा विद्यार्थीहरूले अस्पतालको वातावरण, स्वास्थ्य सेवा तथा विभिन्न स्वास्थ्यसम्बन्धी गतिविधिबारे नजिकबाट जानकारी लिएका थिए।
भ्रमणका क्रममा साना विद्यार्थीहरू निकै उत्साहित देखिएका थिए । उनीहरूले चिकित्सक तथा स्वास्थ्यकर्मीहरूसँग अन्तरक्रिया गर्नुका साथै स्वास्थ्यसम्बन्धी आधारभूत जानकारी प्राप्त गरेका थिए। विद्यालयले यस्ता गतिविधिले बालबालिकामा जिज्ञासा, आत्मविश्वास र व्यवहारिक ज्ञान अभिवृद्धि हुने विश्वास लिएको जनाएको छ।
विद्यालय परिवारले भ्रमणलाई सफल बनाउन सहयोग पुर्याउनु हुने डा. चन्द्रमणि बश्याल प्रति विशेष आभार व्यक्त गरेको छ। अस्पतालको आत्मीय स्वागत, आतिथ्यता तथा मार्गदर्शनले विद्यार्थीहरूलाई थप प्रेरित बनाएको विद्यालयले जनाएको छ।
प्रतिक्रिया