कुलमान घिसिङ र हितेन्द्रदेव शाक्यको रिट हेर्दाहेर्दैमा राखियो

काठमाडौं – नेपाल विद्युत प्राधिकरणका कार्यकारी निर्देशक कुलमान घिसिङको बर्खास्तगी र नवनियुक्त कार्यकारी निर्देशक हितेन्द्रदेव शाक्यको नियुक्ति सम्बन्धी रिट सर्वोच्च अदालतमा हेर्दाहेर्दैमा राखिएको छ।

मंगलबार सर्वोच्च अदालतका न्यायाधीशद्वय कुमार चुडाल र नित्यानन्द पाण्डेले दुवै रिटमाथि सुनुवाइ गरेपछि बहस नसकिएपछि हेर्दाहेर्दैमा राखिएको हो। अदालतले दुवै पक्षलाई छलफलका लागि आज बोलाएको थियो। कुलमान घिसिङले आफ्नो साढे चार महिना बाँकी कार्यकालमै आफूलाई गैरकानुनी रूपमा पदबाट हटाइएको भन्दै रिट दायर गरेका थिए।

जबकि शाक्यले अघिल्लो कार्यकालमा राजीनामा नदिएको र गैरकानुनी रूपमा हटाइएको निर्णयको विरोधमा रिट दायर गरेका छन्।