काठमाडौं । राष्ट्रिय स्वतन्त्र पार्टी (रास्वपा)का सभापति रवि लामिछानेले दायर गरेको बन्दी प्रत्यक्षीकरण निवेदनमाथि आज सर्वोच्च अदालतमा सुनुवाइ हुँदैछ।
न्यायाधीशद्वय नहकुल सुवेदी र बालकृष्ण ढकालको संयुक्त इजलासमा यो मुद्दाको सुनुवाइ तय गरिएको हो। यसअघि आइतबार न्यायाधीश मनोजकुमार शर्मा र सुनीलकुमार पोखरेलको इजलासले उक्त मुद्दा ‘हेर्न मिल्ने’ इजलासमा पठाउन आदेश दिएको थियो। सोही आधारमा सोमबारका लागि प्रधानन्यायाधीश प्रकाशमान सिंह राउत र न्यायाधीश नित्यानन्द पाण्डेयको इजलासमा पेसी तोकिएको थियो।
तर सुनुवाइ अघि नै समस्या देखा परेको थियो। रवि लामिछानेका तर्फबाट वकालत गर्ने कानुन व्यवसायी र विपक्षी पूर्वडीआईजी जोशीका तर्फबाट बहस गर्ने वकिलहरू इजलासमा रहेका न्यायाधीशहरूसँग नातेदार परेपछि उनीहरूले ‘हेर्न नमिल्ने’ आधारमा मुद्दाबाट अलग हुने स्थिति आयो।
त्यसपछि आजका लागि नयाँ इजलासमा पेसी तोकिएको हो, जहाँ निष्पक्ष सुनुवाइ अपेक्षा गरिएको छ।
प्रतिक्रिया