काठमाडौं । सन् २०२४ को अगष्टमा विदेशी पर्यटकको आगमन ८ दशमलव ३ प्रतिशतले बढेको छ।
नेपाल पर्यटक बोर्डको तथ्याङ्कअनुसार सन् २०२३ को अगष्टको तुलनामा यस वर्षको सोही अवधिमा पाँच हजार ५ सय ६६ पर्यटक बढी नेपाल भित्रिएका हुन्। सन् २०२३ को अगष्टमा कुल ६७ हजार १५३ पर्यटक नेपाल आएकामा सन् २०२४ को अगष्टमा ७२ हजार ७ सय १९ जना नेपाल भित्रिएका छन्।
अगष्टमा भारतबाट सबैभन्दा बढी २५ हजार ८ सय ३२, चीनबाट ६ हजार ६ सय १४, अमेरिकाबाट ५ हजार ६ सय १४, श्रीलङ्काबाट चार हजार ८ सय ५१ र बङ्गलादेशबाट तीन हजार ७७ पर्यटक नेपाल आएका छन्।
बोर्डका अनुसार सन् २०२२ को अगष्टमा ४१ हजार ३ सय ४, सन् २०२१ को अगष्टमा छ हजार ९३ र सन् २०१९ को अगष्टमा ९४ हजार ७ सय ४९ विदेशी पर्यटक नेपाल आएका थिए।
प्रतिक्रिया