खजुरा खोला पुलको शिलान्यास

नवपरासी । नवलपरासीको बर्दघाट नगरपालिका वडा नम्बर ५ र १६ जोड्ने खजुरा खोलामा पुलको शिलान्यास भएको छ ।

आइतबार नेपाली कांग्रेसका सांसद तथा अर्वपति विनोद चौधरिले उक्त पुलको शिलान्यास गरेका हुन् । ९ करोड १६ लाख रुपैयाँ लागतमा निर्माण हुन लागेको उक्त पुल ३० महिना भित्र निर्माण सम्पन्न गर्ने लक्ष्य रहेको छ । ७० मिटर लम्बाइ रहेको उक्त पुल निर्माणको ठेक्का मृत संजिवनी निर्माण सेवाले लिएको छ ।

उक्त पुल निर्माण भएपछि सो क्षेत्रका स्थानियलाई धेरै सहज हुने विश्वास गरिएको छ । सांसद तथा अर्वपति चौधरिले ऐतिहासिक धार्मिक क्षेत्र त्रिवेणीधाम जोड्ने यो पुलको निर्माणका लागि आफ्नो तर्फबाट आवश्यक सहयोग हुने आश्वासन दिएका छन् ।

साथै उनले उक्त पुलको समयमै निर्माण सम्पन्न गर्न आग्रह समेत गरेका छन् ।