बुटवल । रङ्गहरूको पर्वको रुपमा परिचित होली पर्वको अवसरमा पाल्पाको नुवाकोटमा पहिलो पटक होली विशेष कार्यक्रम हुने भएको छ ।
चियाहोलिक एन्ड टिमको आयोजनामा नुवाकोटको कर्म कन्दरा नुवाकोटमा फागुन २३ गते मंगलबार एक दिने होली विशेष कार्यक्रमको आयोजना गरिने भएको हो । कार्यक्रमलाई होलिका फेस्ट नाम दिइएको छ । नुवाकोटको पर्यटन क्षेत्रलाई प्रर्वद्धन गर्ने उद्देश्यले कार्यक्रमको आयोजना गर्न लागिएको आयोजन टोलीले जनाएको छ ।
कार्यक्रममा विभिन्न सांगीतिक प्रस्तुतिहरू समेत समावेश गरिएको छ । कार्यक्रममा घैँटो फोड, डिजेका साथै स्थानीय कलाकारहरूको पनि प्रस्तुती रहने आयोजक टोलीले जानकारी दिएको छ । होलिका फेस्ट का लागि रु दुई सय पचास रुपैयाँको टिकट तोकिएको छ ।
प्रतिक्रिया