मोरङ । हास्य कलाकार पवन खतिवडा ‘म्याकुरी’ पक्राउ परेका छन् ।
मंगलबार राति मोरङको बेलबारी नगरपालिका–१ स्थित एक होटलमा मादक पदार्थ सेवन गरी कुटपिटमा उत्रिएको भन्दै मंगलबार उनलाई प्रहरीले नियन्त्रण लिएको हो । होटलमा मादक पदार्थ सेवन गरी बेलबारी-४ का एक युवालाई टाउकोमा प्रहार गरी टाउको फुटाइदिएको बताइएको छ । सो कुटपिटबाट घाइते भएका ती युवालाई उपचारका लागि अस्पताल पठाइएको छ।
उनलाई पक्राउ गरेर इलाका प्रहरी कार्यालय बेलबारीको हिरासतमा राखिएको छ । जिल्ला प्रहरी कार्यालयका प्रहरी नायब उपरीक्षक (डिएसपी) टीकाबहादुर कार्कीका अनुसार उनलाई आज नै छाड्ने तयारी गरिएको छ । खतिवडाले आफ्नै युट्युबबाट टेलिसिरियल चलाउँछन् भने उनले केही फिल्ममा पनि काम गरिसकेका छन् ।
प्रतिक्रिया