लमजुङका प्रतिनिधिसभा उम्मेदवार गुरुङको निधन

लमजुङ । लमजुङबाट प्रतिनिधि सभा सदस्य उम्मेदवार रहेका नरेन्द्रबहादुर गुरुङको मृत्यु भएको छ ।

जनता समाजवादी पार्टीबाट उम्मेदवार बनेका गुरुङको सोमबार दिउँसो निधन भएको हो । मर्स्याङ्दी गाउँपालिका–२ घनपोखरा घर भएका ६८ बर्षीय गुरुङ केही दिनदेखि अस्वस्थ रहेका थिए । शुक्रबार अचानक वान्ता भएपछि उनलाई अस्पताल लगिएको थियो । जिल्ला अस्पतालमा उपचार हुन नसक्ने भनेपछि थप उपचारका लागि चितवन लगिएको थियो ।

सोमबार दिउँसो १ बजेतिर उपचारको क्रममा निधन भएको हो ।