दाङमा सवारी दुर्घटना, एकको मृत्यु, ११ जना गम्भिर घाइते

दाङ । शुक्रबार दाङमा भएको सवारी दुर्घटनामा परी एक जनाको मुत्यु भएको छ ।

दाङको देउखुरीमा बिहान दुई बस एक आपसमा ठोक्किँदा एक जनाको मुत्यु भएएको र ११ जना गम्भिर घाइते भएका छन् । मृत्यु हुनेमा रोल्पा रुन्टीगढी निवासी ४३ बर्षीया सोभा परियार रहेकी छन् । उनको घटना स्थलमै मृत्यु भएको प्रहरीले जनाएको छ ।

लमहीबाट भालुवाङतर्फ जाँदै गरेको लु २ ख ७८५ नम्बरको बस र वीरगन्जबाट दाङको तुलसीपुर आउँदै गरेको ना ५ ख ४८९८ नम्बरको बस लमही नगरपालिका–३ फल्कापुरमा बिहान एक आपसमा ठोक्किएर सो दुर्घटना भएको हो । भालुवाङतर्फ जाँदै गरेका बसका चालक तुल्सीराम रामिजाल गम्भीर घाइते हुन पुगेका छन ।

दुई दर्जनभन्दा बढी घाइते भएको प्रहरीले जनाएको छ । जसमा ११ जनाको अवस्था गम्भीर रहेको छ । उनीहरुलाई थप उपचारका लागि नेपालगञ्जलगायतका विभिन्न अस्पतालमा पठाइएको छ ।