कोशी प्रदेशमा बन्दको प्रभाव न्यून

विराटनगर । ‘प्रदेश १ पुनः नामांकन संयुक्त संघर्ष समिति’ले कोशी प्रदेशमा आज बन्दको आह्वान गरेको छ ।

‘कोशी’ प्रदेश नाम खारेजको माग गर्दै संघर्ष समितिले बन्दको आह्वान गरेको हो । आम हड्तालको न्यून प्रभाव परेको छ । प्रदेशको राजधानी विराटनगरलगायत पूर्वका मुख्य सहर क्षेत्रका बजार, कलकारखाना, शैक्षिक संस्था खुलेका छन् ।

विराटनगरबाट छुट्ने लामो दूरीका सवारीसाधन चलेका छैनन् भने छोटो दूरीका सवारी साधन निर्वाध रूपमा चलिरहेको कोशी प्रदेश प्रहरी कार्यालय (विराटनगर) ले जनाएका छ । कोशी प्रदेश नाम खारेजीको माग गदै पहिचानवादी संघरसंस्थाद्वारा गठित संघर्ष समितिले कोशी प्रदेश नाम खारेजीको माग गर्दै शनिबार राति कोशी प्रदेशको प्रमुख सहरहरूमा राँके जुलुस निकालेको थियो । यही फागुन १७ गते प्रदेशसभाको दुईतिहाइ मतले प्रदेशको नाम कोशी पारित गरेपछि विभिन्न जातीय संघ/संस्थाले सो नामप्रति असहमति जनाइरहेका छन ।