बुटवल । रुपन्देहीको लुम्बिनी साँस्कृतिक नगरपालिका वडा १३ स्थित कालिदह नाका क्षेत्रमा तस्करीको समस्या बढ्दो छ।
भारतबाट विभिन्न सामानहरू, जस्तै चीनी, मैदा, प्याज, दाल, खाने तेल, बिस्कुट, कुखुरा, चल्ला, मेसनरी सामग्री, लत्ताकपडा, र हार्डवेयर सामानहरू कालिदह बजारको गोदामहरूमा स्टोर गरी, मोटरसाइकल र साइकलमा लोड गरी भित्री गाउँहरुमा पुर्याइन्छ। यी सामानहरू खुनगाई, मनौरा, मोहसड, मोगलहाँ, लोन्डीहवा, सुर्यपुरा हुँदै बुटवलसम्म पुर्याइन्छ। यद्यपि, कालिदह छोटी भन्सार कार्यालय, कालिदह चौकी र शस्त्र प्रहरीको उपस्थिति रहेपनि , तस्करी नियन्त्रणमा पर्याप्त कदम चालिएको देखिदैन छैन ।
तस्करहरू खुलेआम मोटरसाइकल र साइकलमा समानहरू लैजान थालेका छन्, जसले स्थानीयवासीहरूलाई चिन्तित बनाएको छ। सुरक्षा बलहरूको सक्रियता भएता पनि तस्करी नियन्त्रणमा प्रभावकारी उपायहरू अपनाइएको छैन, जसका कारण स्थानीय बासिन्दाहरूले तस्करीको बढ्दो समस्या देखाउँदै सुरक्षा व्यवस्थामा सुधारको माग गरेका छन् ।
प्रतिक्रिया