रोल्पा । रोल्पाको घर्ती गाउँबाट तालावाङ जाँदै गरेको लु १ ज ३२५२ नम्बरको जीप दुर्घटनामा परि हालसम्म ८ जनाको ज्यान गएको छ ।
जसमध्ये ५ जनाको घटनास्थल र ३ जनाको अस्पताल लैजाँदै गर्दा मृत्यु भएको प्रहरीले जनाएको छ । दुर्घटनामा मृत्यु भएकाहरूको सनाखत भएको छैन । दुर्घटनामा घाइते भएका ६ जनालाई उपचारका लागि प्राथमिक स्वास्थ्य केन्द्र घर्तीगाउँमा पठाएको जिल्ला प्रहरी कार्यालय रोल्पाले जनाएको छ । घाइतेहरूको अवस्था चिन्ताजनक छ ।
जीप रोल्पाको माडी गाउँपालिका ४ परेवा छहरामा दुर्घटना भएको थियो । दुर्घटनाग्रस्त जीप सडकबाट करिब ४ सय मिटर तल खसेको प्रहरीले जनाएको छ ।
प्रतिक्रिया