काठमाडौं । कप्तान सन्दीप लामिछानेको धारिलो बलिङको मद्दतले विराटनगर किङ्सले जनकपुर बोल्टमाथि ९ रनको रोमाञ्चक जित निकालेको छ ।
विराटनगरले दिएको १ सय ३६ रनको लक्ष्य पछ्याएको जनकपुरले ९ विकेट गुमाएर १ सय २६ रन मात्रै बनाउन सक्यो । जनकपुरका लागि जोन निकल इटनले सर्वाधिक ४१ रन बनाए। यस्तै लाहिरू मिलन्था २३, सन्जय कृष्णमूर्ती २०, आशिफ शेख १३, अनिल शाह र मयन यादव समान चाररचार रन, संगीत कुरे र आदित्य महता शून्यमा आउट भए।
विराटनगरका लागि कप्तान लामिछानेले चार ओभरमा ११ रन दिँदै चार विकेट लिए। सूर्य तामाङ दुई र शुभम रन्जने र मर्चेन्ट द लेंगेले समान एक एक विकेट लिए।
प्रतिक्रिया