काठमाडौं । जारी नेपाल प्रिमियर लिग (एनपीएल) मा जनकपुर बोल्ट्सले विराटनगर किंग्सविरुद्ध पहिले फिल्डिङ गर्ने भएको छ ।
च्याम्पियन जनकपुरका कप्तान अनिल साहले टस जितेर त्रिवि क्रिकेट मैदानमा विराटनगरलाई ब्याटिङको निम्तो दिएका हुन् । विराटनगरले पहिलो दुवै खेल जितेर उत्कृष्ट सुरुवात गरेको छ । जनकपुर भने पहिलो खेलमै गोर्खाजसँग स्तब्ध भएको थियो । जनकपुरले अघिल्लो खेल खेलेको टोलीबाट विकास आग्रीको स्थानमा आदित्य महता र लाहिरु समराकुनको स्थानमा संगीथ कोरेलाई खेलाएको छ ।
विराटनगरको टोलीमा भने कुनै परिवर्तन गरेको छैन । गत वर्ष जनकपुरले उपाधि यात्रा सुरु गर्दा उद्घाटन खेलमै विराटनगरलाई सहजै ८ विकेटले पराजित गरेको थियो ।
प्रतिक्रिया