काठमाडौं । ओमानको अल अमरेत क्रिकेट मैदानमा जारी आईसीसी टी–२० विश्वकप एसिया–प्यासिफिक छनोट अन्तर्गत नेपालले जापानविरुद्धको खेलमा टस जितेर बलिङ गर्ने निर्णय गरेको छ। कप्तान रोहित पौडेलले टस जितेपछि जापनलाई पहिले ब्याटिङको निम्तो दिएका हुन्।
नेपाल र जापान दुवै टिमले यसअघि नै कुवेतलाई पराजित गर्दै सुपर सिक्स चरणमा प्रवेश गरिसकेका छन्। नेपालले पहिलो खेलमा कुवेतलाई ५८ रनले हराएको थियो भने जापानले कुवेतमाथि ५ विकेटको जित निकालेको थियो।
सुपर सिक्सको टिकट पक्का भइसकेको भए पनि आजको भिडन्तलाई अघोषित सुपर सिक्स खेलको रूपमा लिइएको छ। आजको खेलमा जित्ने टोलीले सुपर सिक्स चरणमा २ अंकसहित अग्रता लिनेछ, जसले आगामी चरणमा ठूलो फाइदा पुर्याउनेछ।
नेपालले बलिङबाट राम्रो सुरुवात गर्दै जापानलाई कम स्कोरमा रोक्ने र बलिङ–ब्याटिङ दुबै विभागमा सन्तुलित प्रदर्शन गर्ने लक्ष्य राखेको छ।
प्रतिक्रिया