रियल्मी ‘नोट ७०’ नेपाली बजारमा सार्वजनिक, के-कस्ता छन् फिचर ?

काठमाडौं । रियल्मीले नेपालमा आफ्नो नयाँ स्मार्टफोन realme Note 70 औपचारिक रूपमा सार्वजनिक गरेको छ।

“1 Charge for 2 Days Use” भन्ने नारासहित आएको यो फोनमा ठूलो ब्याट्री, मजबुत डिजाइन, र स्मार्ट फिचरहरू दिइएको छ, जसले युवाहरूको बदलिँदो आवश्यकतालाई ध्यानमा राखेको कम्पनीको दाबी छ।

शक्तिशाली ब्याट्री र चार्जिङ सुविधा

realme Note 70 मा ६३००mAh क्षमताको विशाल ब्याट्री दिइएको छ, जसको एक फुल चार्जमा फोन २ दिनसम्म ढुक्कले चल्ने दाबी छ । यसमा १५ वाटको अल्ट्रा फास्ट चार्जिङ सुविधा र ६W रिभर्स चार्जिङ सपोर्ट छ, जसले अन्य उपकरणहरू पनि सजिलै चार्ज गर्न सक्छ।

मिलिटरी–ग्रेड मजबुती

यो फोन Armorshell Protection र Military-Grade Durability सहित आएको छ, जसले १.८ मिटर उचाइबाट खस्दा पनि सुरक्षित रहने दाबी गरिएको छ। साथै, Sonic Wave Ejection Technology र IP54 Dust & Water Resistance को कारण यसलाई बजारको सबैभन्दा टिकाउ स्मार्टफोनमध्ये एक मानिएको छ।

डिजाइन र डिस्प्ले

७.९४mm को अल्ट्रा–स्लिम बडी र २०१ ग्राम तौलसहित, Note 70 हल्का र आकर्षक बनेको छ। ९०Hz Eye Comfort Display ले लामो प्रयोगमा पनि आँखालाई आरामदायी अनुभव दिनेछ।

क्यामेरा र प्रदर्शन

यो फोनमा १३MP AI क्यामेरा दिइएको छ, जसले छरितो र स्पष्ट तस्वीर खिच्न सक्छ। UNISOC T7250 Octa-Core Chipset ले मल्टिटास्किङलाई सहज बनाउँछ भने AI Smart Experience ले प्रयोगकर्ताको व्यवहारअनुसार इन्टरफेसलाई व्यक्तिगत बनाउँछ।

विशेष फिचर

मनोरञ्जनलाई नयाँ स्तरमा पुर्‍याउन 300% Ultra Boom Speaker जडान गरिएको छ, जसले भिडियो, संगीत र गेमिङ अनुभवलाई अझ प्रभावकारी बनाउँछ। साथै, Pulse Light Notification फिचरमार्फत प्रयोगकर्ताले सूचनाहरूलाई एक झलकमै बुझ्न सक्छन्।

मूल्य र उपलब्धता
नेपालमा रियल्मी नोट ७० दुई भेरियन्टमा उपलब्ध छ । जसमा ४ जीबी र्याम र ६४ जीबी स्टोरेज भएकोलाई १३ हजार ९ सय ९९ र ४ जीबी र्याम र १२८ जीबी स्टोरेज भएकोलाई १४ हजार ९ सय ९९ रुपैयाँ पर्नेछ ।

यो मोडल नेपाली बजारमा Beach Gold and Obsidian Black गरि दुई कलर अप्सनमा उपलब्ध छ ।