काठमाडौं । अखिल नेपाल फुटबल संघ (एन्फा)ले आगामी यू–१७ साफ महिला च्याम्पियनसिप २०२५का लागि अन्तिम २३ खेलाडीको सूची सार्वजनिक गरेको छ।
आइतबार सार्वजनिक भएको सूचिमा तीन गोलकिपर, आठ डिफेन्डर, पाँच मिडफिल्डर, तीन विङ्गर र चार फरवार्ड खेलाडी समावेश छन्। गोलकिपर पोजिसनमा झरना डुम्राकोटी, लक्ष्मी ओली र गंगा गुरुङ चयन भएका छन्। डिफेन्स लाइनमा दीक्षा रायमाझी, मिन माया श्रेष्ठसहित आठ खेलाडीको नाम समावेश छ।
मिडफिल्डमा अंशु विक, कृतिशा तामाङ, साहारा लिम्बु लगायत पाँच खेलाडी रहेका छन्। फरवार्डतर्फ सिर्जना बडुवाल, अस्मिता मगर, पर्वतकी यमकुमारी विक र अनिता राना मगरले स्थान पाएका छन्।
एन्फाको यो टोलीले साफ महिला यू–१७ च्याम्पियनसिपमा नेपालको प्रतिनिधित्व गर्दै उपाधि जित्ने लक्ष्यसहित मैदानमा उत्रनेछ।
प्रतिक्रिया