काठमाडौं । यू–१९ टिमका कप्तान तथा राष्ट्रिय टोलीका तीव्र गतिका बलर हेमन्त धामी आगामी सिजनका लागि सुदूरपश्चिम रोयल्ससँग आबद्ध भएका छन्।
क्याटगोरी ‘बी’ मा सूचीकृत धामी लक्की ड्रको माध्यमबाट आफ्नो जन्मस्थान प्रतिनिधित्व गर्ने टिममा प्रवेश गरेका हुन्। समूह ‘बी’ का खेलाडीका लागि तोकिएको अधिकतम १० लाख रुपैयाँको मूल्यमा उनको बिक्री भएको हो। लुम्बिनी, जनकपुर, सुदूरपश्चिम र पोखरा एभेन्जर्सले लक्की ड्रमा सहभागिता जनाउँदा भाग्यले धामीलाई सुदूरपश्चिम रोयल्समै पुर्यायो।
यसअघि पहिलो सिजनमा उनी जनकपुर बोल्ट्सको जर्सीमा मैदानमा उत्रिएका थिए।
प्रतिक्रिया