काठमाडौं । एनआईसी एशिया बैंक २८औं वर्षमा प्रवेश गरेको छ।
विगत २८ वर्षको यात्रामा बैंकले उल्लेखनीय प्रगति गर्दै मुलुकभर ३६० शाखा, ६७० एटीएम, ११६ विस्तारित काउन्टर र ४२ शाखा रहित सेवा केन्द्रमार्फत लाखौं ग्राहकहरूसँग आफ्नो सेवा विस्तार गरेको छ। वित्तीय पहुँच अझ व्यापक बनाउने उद्देश्यले बैंकले मुगु, कालिकोट, बझाङ, रुकुम, जुम्ला, सल्यानजस्ता दुर्गम तथा पिछडिएका जिल्लाहरूमा समेत आफ्नो शाखा विस्तार गरी वित्तीय समावेशीकरणमा सक्रिय भूमिका खेल्दै आएको छ।
एनआईसी एशिया बैंकका सहायक प्रमुख कार्यकारी अधिकृत अर्जुन राज खनियाले बैंकको यस यात्रामा साथ दिने सबैलाई धन्यवाद दिँदै भने, “हामीप्रति निरन्तर स्नेह, भरोसा र समर्थन दर्शाउँदै ‘बैंक पनि साथी पनि, राम्रो पनि हाम्रो पनि’ बनाउन योगदान पुर्याउनु हुने सबै ग्राहक, नियामक, शेयरधनी, कर्मचारी तथा सरोकारवालाप्रति हामी अत्यन्त आभारी छौँ।”
उनले थपे, “अहिलेसम्मको हाम्रो सफलतामा सम्पूर्ण श्रेय हाम्रा सरोकारवालाहरूलाई नै जान्छ। आगामी दिनहरूमा हामी अझ अत्याधुनिक, विश्वस्तरीय, प्रविधिमैत्री र ग्राहकमैत्री सेवा प्रवाह गर्दै सबैको पहिलो रोजाइ बन्ने लक्ष्यमा दृढ छौँ।”
प्रतिक्रिया