काठमाडौं । सुनचाँदी व्यवसायीहरूले सरकारले नयाँ बजेटमार्फत् लगाएको करको विरोधमा शुक्रबार सडक संघर्ष थालेका छन्।
नेपाल सुनचाँदी व्यवसायी महासंघ, नेपाल सुनचाँदी रत्न तथा आभूषण महासंघ, र नेपाल हस्तकला महासंघको संयुक्त नेतृत्वमा व्यवसायीहरूले माइतीघर मण्डलबाट नयाँ बानेश्वरसम्म र्याली निकाली कोणसभा सम्पन्न गरेका छन्। आन्दोलनमा व्यवसायीहरूसँगै कालिगढ र मजदुरहरू पनि सहभागी भएका थिए।
उनीहरूले बजेटमा सुनचाँदी, रत्न तथा बहुमूल्य पत्थरमा लगाइएको २ प्रतिशत विलासिता कर र १३ प्रतिशत मूल्य अभिवृद्धि कर खारेज गर्न माग गरेका छन्।
व्यवसायीहरूका अनुसार सरकारले प्रस्ताव गरेको यो कर संरचनाले आभूषण व्यवसायमा गम्भीर प्रभाव पार्नेछ र यसले रोजगारी तथा घरेलु हस्तकला उद्योगमा पनि प्रतिकूल असर पार्नेछ।
प्रतिक्रिया