काठमाडौं । एसिसी मेन्स यु–१६ इस्ट जोन कप क्रिकेट प्रतियोगिताको सेमिफाइनल खेलमा नेपालले घरेलु टोली मलेसियाविरुद्ध पहिले फिल्डिङ गर्ने निर्णय गरेको छ।
सेलाङ्गोर टर्फ क्लबको मैदानमा टस जितेका नेपाली कप्तान विपिनप्रसाद शर्माले बलिङ रोज्दै मलेसियालाई पहिले ब्याटिङ गर्न आमन्त्रण गरेका हुन्। खेल स्थानीय समयअनुसार बिहान पौने ८ बजे सुरु हुने तालिका छ। समूह चरणमा नेपाल अपराजित रहँदै समूह विजेता बनेको हो।
प्रतियोगितामा नेपालले भुटानमाथि २९८ रन, इन्डोनेसियामाथि ३७० रनको विशाल जित निकालेको थियो। यस्तै, सिंगापुरलाई ६ विकेट र जापानलाई ९ विकेटले पराजित गर्दै नेपालले दमदार प्रदर्शन गर्दै सेमिफाइनल यात्रा तय गरेको हो।
प्रतिक्रिया