काठमाडौं । नेपाली बजारमा आइतबार सुनको मूल्यमा पुनः वृद्धि भएको छ।
नेपाल सुनचाँदी व्यवसायी महासंघका अनुसार आज छापावाल सुन तोलामा ५०० रुपैयाँले बढेको हो। महासंघले दिएको जानकारीअनुसार शुक्रबार प्रतितोला १ लाख ९४ हजार ७०० रुपैयाँमा कारोबार भएको छापावाल सुन आइतबार ५०० रुपैयाँ बढेर १ लाख ९५ हजार २०० रुपैयाँमा पुगेको छ।
त्यस्तै, प्रति १० ग्राम सुनको मूल्य १ लाख ६७ हजार ३५५ रुपैयाँ निर्धारण गरिएको छ। सुनसँगै चाँदीको मूल्यमा पनि सानो वृद्धि देखिएको छ।
शुक्रबार प्रतितोला २ हजार १५० रुपैयाँमा कारोबार भएको चाँदी आइतबार १० रुपैयाँ बढेर २ हजार १६० रुपैयाँमा कायम भएको महासंघले जनाएको छ।
प्रतिक्रिया