काठमाडौं । टि–२० अन्तर्राष्ट्रिय सिरिजको अन्तिम तथा निर्णायक खेलमा नेपालले स्कटल्याण्डसँग ३४ रनको पराजय ब्यहोरेको छ।
शुक्रबार राति सम्पन्न खेलमा स्कटल्याण्डले पहिला ब्याटिङ गर्दै ५ विकेटको क्षतिमा १९४ रन बनाएको थियो। जवाफी इनिङमा नेपाल १५९ रनमै समेटियो। यस हारसँगै नेपालले सिरिजमा तीनमध्ये दुई खेल जितेको छ भने स्कटल्याण्डले एक मात्र जित निकालेको छ।
नेपालले सिरिजको पहिलो खेलमा नेदरल्याण्ड्ससँग रोमाञ्चक तेस्रो सुपर ओभरसम्मको संघर्षमा हार स्विकार्नु परेको थियो। दोस्रो खेलमा भने नेपालले स्कटल्याण्डलाई दुई विकेटले पराजित गर्दै पुनरागमन गरेको थियो। तेस्रो खेलमा नेपालले नेदरल्याण्ड्सलाई ६ विकेटले सहज जित निकालेको थियो।
त्यस्तै स्कटल्याण्डले सिरिजको पहिलो खेलमा नेदरल्याण्ड्समाथि ३९ रनको सानदार जित दर्ता गरेको थियो। तर दोस्रो खेलमा उनीहरू नेपालसँग दुई विकेटले पराजित भए। तेस्रो खेलमा भने स्कटल्याण्डलाई नेदरल्याण्ड्सले १७ रनले हराएको थियो।
सिरिजको समग्र नतिजा हेर्दा तीनै टिमबीच प्रतिस्पर्धा कडा रह्यो, तर अन्तिम खेलमा स्कटल्याण्डको सशक्त प्रदर्शनले नेपाललाई निराश बनायो।
प्रतिक्रिया