बुधबार नेपाली सुनचाँदी बजारमा सामान्य उतारचढाव देखिएको छ।
नेपाल सुनचाँदी व्यवसायी महासंघका अनुसार, छापावाल सुनको मूल्य तोलामा १ लाख ९५ हजार ९०० रुपैयाँमा पुगेर सामान्य वृद्धि भएको छ। मंगलबार यो दर तोलामा १ लाख ९५ हजार रुपैयाँ थियो। अर्थात् सुनको मूल्यमा ९०० रुपैयाँको वृद्धि देखिएको हो।
तर चाँदीको हकमा भने मूल्यमा उल्लेखनीय उछाल आएको छ। मंगलबार तोलाको २ हजार १६० रुपैयाँमा कारोबार भएको चाँदी बुधबार बढेर २ हजार २२५ रुपैयाँमा पुगेको छ। यसरी चाँदीको मूल्य एकैदिन ६५ रुपैयाँले बढेको हो।
बजार विश्लेषकहरूका अनुसार अन्तर्राष्ट्रिय बजारको प्रभाव र स्थानीय मागको उतारचढावले नेपाली बजारमा पनि असर पार्ने गरेको पाइन्छ।
प्रतिक्रिया