पेट्रोल र डिजेलको मूल्य बढ्यो, कति पुग्यो लिटरमा ?

काठमाडौं । नेपाल आयल निगमले पेट्रोलियम पदार्थको खुद्रा मूल्यमा फेरि वृद्धि गरेको छ।

निगमले असार २ गते (सोमबार)देखि लागू हुने गरी पेट्रोल र डिजेलको मूल्यमा क्रमशः १ रुपैयाँ र २ रुपैयाँले वृद्धि गर्ने निर्णय गरेको हो। निगमद्वारा आइतबार जारी गरिएको प्रेस विज्ञप्तिमा उल्लेख गरिएअनुसार, इण्डियन आयल कर्पोरेशनबाट प्राप्त नयाँ खरिद मूल्यमा पेट्रोल प्रतिलिटर रु. १.४१ र डिजेलमा रु. १.६७ को वृद्धि भएपछि उपभोक्तासम्मको खुद्रा मूल्य समायोजन गरिएको हो।

निगम सञ्चालक समितिको निर्णय अनुसार, भोलिदेखि पेट्रोलमा प्रतिलिटर १ रुपैयाँ र डिजेल/मट्टितेलमा प्रतिलिटर २ रुपैयाँ थपिएको नयाँ मूल्य दर लागू हुनेछ।

निगमले अन्तर्राष्ट्रिय बजारको मूल्य अनुसार समायोजन गरिएको मूल्यलाई यथासम्भव न्यून राख्दै आएको दाबी गरेको छ।