४२ सयले बढ्यो सुनको भाउ, कति पुग्यो तोलामा ?

काठमाडौं । मङ्गलबारदेखि अन्तर्राष्ट्रिय बजारमा सुनको मूल्य लगातार उकालो लागेसँगै नेपाली बजारमा समेत सुन चाँदीको भाउमा उल्लेख्य वृद्धि भएको छ।

नेपाल सुनचाँदी व्यवसायी महासंघका अनुसार, आज शुक्रबार सुनको मूल्य तोलामा रु १,९७,१०० पुगेको छ। यो बिहीबारको तुलनामा रु ४,२०० ले बढी हो। यस्तै, चाँदीको मूल्यमा पनि रु १५ को वृद्धि भई तोलाको मूल्य रु २,१६५ मा कारोबार भइरहेको छ। गत मङ्गलबारसम्म एक तोला सुनको भाउ रु १,९०,००० रहेको थियो भने चाँदीको मूल्य सोही अनुसार रु २,१५० थियो।

अन्तर्राष्ट्रिय बजारमा समेत सुनको मूल्य उच्च दरमा उकालो लागेको देखिएको छ। विभिन्न अन्तर्राष्ट्रिय सञ्चारमाध्यमहरूका अनुसार, आज एक औँस सुनको मूल्य ३,४२७ अमेरिकी डलर पुगेको छ।

विशेषज्ञहरूका अनुसार विश्वव्यापी आर्थिक अनिश्चितता, मुद्रास्फीति, र भूराजनीतिक तनावका कारण लगानीकर्ताहरू सुनतर्फ आकर्षित भइरहेकाले मूल्यमा तीव्र वृद्धि भइरहेको हो।