काठमाडौं । इङ्ल्याण्डले वेस्टइन्डिजविरुद्धको टी–२० अन्तर्राष्ट्रिय क्रिकेट सिरिजमा उत्कृष्ट प्रदर्शन गर्दै क्लिन स्वीप गरेको छ।
गएराति सम्पन्न तेस्रो तथा अन्तिम खेलमा इङ्ल्याण्डले ३७ रनको विजयी नतिजा निकाल्दै सिरिज ३–० ले आफ्नो पक्षमा पार्यो। तेस्रो खेलमा पहिले ब्याटिङ गरेको इङ्ल्याण्डले २० ओभरमा मात्र ३ विकेट गुमाउँदै २४८ रनको विशाल योगफल खडा गर्यो। जवाफी लक्ष्य पछ्याउँदै मैदान उत्रेको वेस्टइन्डिज २० ओभरमा ८ विकेट गुमाउँदै २११ रनमै रोकियो।
इङ्ल्याण्डका लागि बेन डकेटले विस्फोटक ब्याटिङ गर्दै ४६ बलमा ८४ रन बनाएर ‘प्लेयर अफ द म्याच’को उपाधि जिते। सिरिजभर आक्रामक प्रदर्शन गरेका पूर्व कप्तान जोस बटलरले तीन खेलमा कुल २६७ रन बनाउँदै ‘प्लेयर अफ द सिरिज’ बन्न सफल भए।
इङ्ल्याण्डको ब्याटिङ र बलिङ दुवै क्षेत्रमा उत्कृष्ट समन्वय देखिएको सिरिजमा वेस्टइन्डिज निरन्तर दबाबमा देखियो। यो जितसँगै इङ्ल्याण्डले आगामी टी–२० विश्वकपको तयारीमा सकारात्मक सन्देश दिएको छ।
प्रतिक्रिया