एकैदिन २ हजार ९ सयले बढ्यो सुनको भाउ

काठमाडौं । नेपाली बजारमा सुनको मूल्यमा एकैदिन उल्लेख्य वृद्धि भएको छ।

नेपाल सुनचाँदी व्यवसायी महासंघका अनुसार मंगलबार सुनको मूल्य प्रतितोला २ हजार ९०० रुपैयाँले उकालो लागेको छ। नयाँ मूल्यअनुसार अब सुनको भाउ प्रतितोला १ लाख ९२ हजार ७०० रुपैयाँ पुगेको छ, जुन सोमबारको मूल्य १ लाख ८९ हजार ८०० रुपैयाँभन्दा धेरै हो।

सुनको मूल्य बढेसँगै चाँदीको मूल्य पनि उक्लिएको छ। चाँदी आज प्रतितोला ५५ रुपैयाँले वृद्धि भई २ हजार ४५ रुपैयाँमा कारोबार भइरहेको महासंघले जानकारी दिएको छ।

हालैको यो मूल्यवृद्धिले सुनचाँदी कारोबारमा सक्रिय व्यवसायी र उपभोक्तामा प्रत्यक्ष असर पर्ने अनुमान गरिएको छ।