बढेन कर्मचारीको तलब , महँगी भत्ता ५ हजार बढ्यो

काठमाडौं । सरकारले यस आर्थिक वर्षमा कर्मचारीहरूको तलब वृद्धि नगरेको भए पनि महँगी भत्तामा ५ हजार रुपैयाँ वृद्धि गरेको घोषणा गरेको छ।

बिहीबार अर्थमन्त्री विष्णु पौडेलले बजेट भाषणमार्फत आगामी आर्थिक वर्ष २०८२/०८३ का लागि यस्तो निर्णय भएको जानकारी दिए। अर्थमन्त्री पौडेलका अनुसार, कर्मचारीको तलब वृद्धि गर्न आवश्यक महसुस भए पनि स्रोत व्यवस्थापनमा आएको चुनौतीका कारण तलब वृद्धि गर्न सकिएको छैन। तर, आगामी आर्थिक वर्ष साउन १ गतेदेखि सबै कर्मचारीलाई महँगी भत्ता वृद्धि सहित प्रदान गरिनेछ।

सरकारको यो निर्णयले बढ्दो महँगीको प्रभावलाई केही हदसम्म कम गर्ने आशा गरिएको छ। कर्मचारीहरूले तलब त वृद्धि नपाए पनि महँगी भत्ता मार्फत आंशिक राहत पाउनेछन्।