काठमाडौं । नेपाली बजारमा आज (मंगलबार) सुन र चाँदीको मूल्यमा सामान्य गिरावट आएको छ ।
नेपाल सुनचाँदी व्यवसायी महासंघका अनुसार आज छापावाल सुनको मूल्य तोलामा १ लाख ९० हजार ९०० रुपैयाँ निर्धारण गरिएको छ । यस्तै, १० ग्राम सुनको मूल्य १ लाख ६३ हजार ६६५ रुपैयाँ कायम भएको छ । सोमबारको तुलनामा आज सुनको मूल्यमा तोलामा २०० रुपैयाँले गिरावट आएको हो । सोमबार छापावाल सुनको मूल्य तोलाको १ लाख ९१ हजार १०० रुपैयाँ थियो ।
चाँदीको मूल्य पनि घट्दै आज तोलामा २ हजार ९९५ रुपैयाँमा झरेको छ, जुन सोमबारको मूल्यभन्दा १० रुपैयाँ कम हो । सोमबार चाँदीको मूल्य तोलामा ३ हजार ५ रुपैयाँ थियो ।
आजको मुल्य घटबढले सुनचाँदी खरिद गर्न चाहने उपभोक्ताहरूलाई केही राहत मिल्न सक्ने देखिन्छ भने बजारमा लगानी गर्नेहरूका लागि पनि मूल्यको प्रवृत्ति महत्वपूर्ण बन्न सक्छ ।
प्रतिक्रिया