बुधबारको सुनचाँदी बजार : सुनको भाउ बढ्यो, चाँदी सस्तो

काठमाडौं । नेपाली बजारमा बुधबार सुनको मूल्यमा सामान्य वृद्धि देखिएको छ भने चाँदीको भाउ भने केही घटेको छ।

नेपाल सुनचाँदी व्यवसायी महासंघका अनुसार आज छापावाल सुन तोलामा ५ सय रुपैयाँले बढेर १ लाख ८५ हजार ३ सय रुपैयाँमा कारोबार भइरहेको छ। मंगलबार सोही सुन १ लाख ८४ हजार ८ सय रुपैयाँमा कारोबारमा थियो। उता, चाँदीको मूल्य भने घटेको छ। महासंघले दिएको जानकारी अनुसार आज चाँदी तोलामा १० रुपैयाँले घटेर १ हजार ९ सय ६० रुपैयाँमा झरेको छ।

सुनचाँदीको मूल्यमा यस्ता दैनिक उतारचढाव अन्तर्राष्ट्रिय बजारको प्रभाव, भन्सार दर, माग–आपूर्ति तथा विनिमय दरका कारण हुने गरेको व्यवसायीहरू बताउँछन्।