काठमाडौं । नेपाली बजारमा सुनको मूल्य आज पुनः घटेको छ भने चाँदीको मूल्यमा सामान्य वृद्धि देखिएको छ।
नेपाल सुनचाँदी व्यवसायी महासङ्घका अनुसार, छापावाल सुन आज तोलामा दुई हजार रुपैयाँले घटेर एक लाख ८४ हजार ८०० रुपैयाँमा झरेको छ। यसअघि सोमबार पनि सुनको मूल्यमा गिरावट आएको थियो। सोमबार तोलामा ३ हजार ७ सय रुपैयाँले घट्दै सुन एक लाख ८६ हजार ८०० रुपैयाँमा कारोबार भएको थियो।
उता, चाँदीको मूल्य भने आज थोरै बढेको छ। सोमबार तोलामा १० रुपैयाँले घटेको चाँदी आज भने त्यत्तिकै अर्थात् १० रुपैयाँले बढेर एक हजार ९७० रुपैयाँमा कारोबार भइरहेको छ।
प्रतिक्रिया