काठमाडौं । नेपाली बजारमा सोमबार सुन र चाँदी दुवैको मूल्यमा गिरावट आएको छ।
नेपाल सुनचाँदी व्यवसायी महासंघले सार्वजनिक गरेको विवरणअनुसार, छापावाल सुनको मूल्य तोलामा ३ हजार ७ सय रुपैयाँले घटेको छ। सोमबार छापावाल सुन प्रतितोला १ लाख ८६ हजार ८ सय रुपैयाँमा कारोबार भइरहेको छ, जुन अघिल्लो दिनको १ लाख ९० हजार ५ सय रुपैयाँको तुलनामा उल्लेख्य गिरावट हो। त्यस्तै, चाँदीको मूल्य पनि केही कम भएको छ।
अघिल्लो दिन तोलाको १ हजार ९७० रुपैयाँमा कारोबार भएको चाँदी सोमबार घटेर १ हजार ९६० रुपैयाँमा झरेको छ। लगातार बढ्दो मूल्यले प्रभावित उपभोक्ताका लागि यो गिरावट केही राहतको संकेत हो भने कारोबार गर्ने व्यवसायीका लागि भने नयाँ मूल्य समायोजनको समय आएको देखिन्छ।
प्रतिक्रिया