साताको अन्तिम दिन बढ्यो सेयर बजार, ७ अर्ब बढीको कारोबार ?

काठमाडौं । साताको कारोबार समापनसँगै आज सेयर बजार सामान्य अंकले उकालो लागेको छ।

नेप्से परिसूचक ३ अंकले वृद्धि भई २६५८ बिन्दुमा पुगेको छ। आजको दिन सेयर बजारमा १ करोड ९७ लाख कित्ता सेयर किनबेच भएका छन्, जसअनुसार कुल कारोबार रकम ७ अर्ब ८७ करोड रुपैयाँ पुगेको छ। मूल्य वृद्धिको हिसाबले नेपाल माइक्रो इन्सुरेन्स र क्रेष्ट माइक्रोलाइफ इन्सुरेन्स अग्रस्थानमा रहे, दुबै कम्पनीको सेयर मूल्य १० प्रतिशतले उकालो लाग्यो।

विपरीत, नेपाल हाइड्रो डेभलपर्स को सेयर मूल्यमा ७ प्रतिशतको गिरावट देखियो। कारोबारको आधारमा आज ङादी ग्रुप पावर, राधी विद्युत र एनआरएन इन्फ्रास्ट्रक्चर प्रमुख स्थानमा रहे। कुल २६५ कम्पनीमध्ये १८१ कम्पनीको सेयर मूल्य घट्यो, ८३ कम्पनीको मूल्य बढ्यो र १ कम्पनीको मूल्य स्थिर रह्यो।

लगानी र व्यापार समूहका सुचकहरू पनि क्रमशः २ प्रतिशतले वृद्धि भएको पाइएको छ।