काठमाडौं । नेपाल राष्ट्र बैंकका कार्यकारी निर्देशक डा. गुणाकर भट्टलाई गभर्नर नियुक्त नगर्न माग गरिएको पूरक निवेदन र गभर्नरको उमेरसम्बन्धी योग्यता संशोधन कार्यान्वयन नगर्न परेको रिटमा आज पनि सर्वोच्च अदालतमा सुनुवाइ हुन सकेन ।
अधिवक्ता विशाल थापा र प्रतिभा उप्रेतीले दायर गरेका रिट तथा पूरक निवेदनको सुनुवाइका लागि आज न्यायाधीश महेश शर्मा पौडेल र बालकृष्ण ढकालको इजलासमा १७औँ नम्बरमा राखिएको थियो, तर समयाभावका कारण हेर्न नभ्याइनेमा परेको छ । यसअघि सोमबार उक्त निवेदन १३औँ र आइतबार ४०औँ नम्बरमा सूचीबद्ध थियो, तर दुवै दिन पनि सुनुवाइ हुन सकेको थिएन ।
गभर्नर नियुक्तिको विषयमा जारी कानुनी प्रक्रिया अब चौथो दिनमा प्रवेश गर्न लागेको छ ।
प्रतिक्रिया