काठमाडौं । नेपाली बजारमा सुनको मूल्य ऐतिहासिक उचाइमा पुगेको छ ।
मङ्गलबार छापावाल सुनको दर तोलामा एकैदिन ६ हजार ९ सय रुपैयाँले बढेर १ लाख ९७ हजार ९ सय रुपैयाँमा पुगेको नेपाल सुनचाँदी व्यवसायी महासङ्घले जनाएको छ । यो हालसम्मकै सबैभन्दा उच्च दर हो । यसअघि सोमबार सुन तोलाको १ लाख ९१ हजार रुपैयाँमा कारोबार भएको थियो, जुन त्यतिबेलासम्मकै रेकर्ड थियो ।
त्यस्तै, चाँदीको मूल्यमा पनि सामान्य वृद्धि भएको छ । तोलामा १० रुपैयाँले बढेर अहिले चाँदीको कारोबार मूल्य १ हजार ९ सय ७० रुपैयाँ पुगेको महासङ्घको जानकारी छ ।
प्रतिक्रिया