नेप्सेमा दोहोरो अंकको गिरावट, कारोबार रकम पनि घट्यो

काठमाडौं । नयाँ वर्षको सुरुआतमा निरन्तर उकालो लागेको नेप्से परिसूचक आइतबार भने दोहोरो अंकले ओरालो लागेको छ।

मंगलबारदेखि बिहीबारसम्म चार दिन लगातार उकालो लागिरहेको नेप्से आइतबार १६.६८ अंकले घटेर २७०६.०४ अंकमा झरेको हो। बिहीबार १० अर्ब ७९ करोड ७३ लाख रुपैयाँभन्दा बढीको शेयर कारोबार भएकोमा आइतबार त्यो रकम करिब २ अर्बले घटेर ८ अर्ब ४३ करोड ३५ लाख ८९ हजार रुपैयाँमा सीमित भएको छ।

सो दिन ३२८ वटा स्टकको ७४ हजार ४५ पटक कारोबार भई जम्मा २ करोड १३ लाखभन्दा बढी कित्ता शेयर किनबेच गरिएको छ। १३ उपसमूहमध्ये २ उपसमूहको सूचक भने बढेको देखिएको छ, बाँकी ११ उपसमूहको सूचकमा गिरावट आएको छ। बजारमा ५३ कम्पनीको शेयर मूल्यमा वृद्धिदेखिएको छ भने १९२ कम्पनीको शेयर घटेका छन्।

preeएक कम्पनीको मूल्य भने स्थिर रह्यो।