काठमाडौं । वर्ष २०८१ को अन्तिम दिन आइतबार सेयर बजार ओरालो लागेको छ।
नेपाल स्टक एक्सचेञ्ज (नेप्से) का अनुसार सो दिन बजार परिसूचक ८.८४ अंकले घटेर २,६६१.८६ बिन्दुमा पुगेर बन्द भयो। बजार खुल्नेबित्तिकै घटबढ देखिए पनि अन्त्यसम्म आइपुग्दा बजार घट्ने ट्रेन्डमै अडियो। नेप्सेले दिएको जानकारीअनुसार आइतबार कुल ६ अर्ब २८ करोड २९ लाख रुपैयाँ बराबरको सेयर कारोबार भएको छ।
कुल १ करोड ३१ लाख ८९ हजार कित्ता सेयर किनबेच भएको थियो। उपसमूहहरूतर्फ हेर्दा होटल्स एण्ड टुरिजम, इन्भेस्टमेन्ट, म्युचुअल फन्ड तथा ननलाइफ इन्स्योरेन्स बाहेक सबै उपसूचकहरूमा गिरावट देखियो। यद्यपि बजार समग्रमा घटेपनि केही कम्पनीको सेयर मूल्यमा उल्लेखनीय उतारचढाव देखियो।
नेपाल माइक्रो इन्स्योरेन्स कम्पनीको सेयरमा सकारात्मक सर्किट लागेको हो भने विन नेपाल लघुवित्तको सेयरमा नेगेटिभ सर्किट लाग्यो। यसरी आर्थिक वर्षको अन्तिम दिन लगानीकर्ताहरू मिलाजुला परिणामसहित बजारबाट बाहिरिए।
अब नयाँ वर्षको सुरुवातसँगै बजार कुन दिशा लिन्छ भन्नेमा लगानीकर्ताको चासो बढेको छ।
प्रतिक्रिया