काठमाडौं । नेपाली बजारमा शुक्रबार सुनको भाउले नयाँ रेकर्ड बनाएको छ ।
अघिल्लो दिनको तुलनामा तोलामा ३ हजार ९०० रुपैयाँले वृद्धि हुँदै सुनले नयाँ रेकर्ड कायम गरेको छ। यो वृद्धिसँगै छापावाल सुनको मूल्य तोलामा १ लाख ८५ हजार रुपैयाँ पुगेको छ, जुन हालसम्मकै उच्च मूल्य हो। अघिल्लो दिन यसको मूल्य १ लाख ८१ हजार १०० रुपैयाँ थियो। सुनसँगै चाँदीको मूल्य पनि बढेको छ।
अघिल्लो दिन तोलाको १ हजार ९०० रुपैयाँमा कारोबार भएको चाँदी शुक्रबार तोलामा ५ रुपैयाँले वृद्धि भई १ हजार ९०५ रुपैयाँमा पुगेको छ।
बजार विश्लेषकहरूका अनुसार अन्तर्राष्ट्रिय बजारमा बहुमूल्य धातुको मूल्य बढेकाले त्यसको प्रभाव नेपाली बजारमा समेत देखिएको हो।
प्रतिक्रिया