नेप्से ९.६६ अंकले बढ्यो, होटल तथा पर्यटन क्षेत्रमा उच्च चमक

काठमाडौं । साताको मध्य दिन बुधबार सेयर बजार हरियालीमा फर्किएको छ।

नेप्से परिसूचक ९.६६ अंकले बढ्दै २६७६.०७ विन्दुमा पुगेको छ। दिनको उच्च बिन्दु २७०१ मा पुगे पनि अन्त्यसम्म टिक्न सकेन। कारोबार रकम अघिल्लो दिनको ५.३० अर्बबाट घट्दै ४.४४ अर्ब रुपैयाँमा झरेको छ। १५४ कम्पनीको मूल्य बढ्दा ९० को घट्यो, एकको स्थिर रह्यो। होटल तथा पर्यटन क्षेत्र २.४४ प्रतिशतले बढ्दै अगाडि रह्यो।

अन्य उकालो लाग्ने क्षेत्रमा उत्पादन, लगानी र निर्जीवन बीमा रहेका छन्। बैंकिङ र व्यापार सूचक भने क्रमशः ०.०३ प्रतिशत र ०.४० प्रतिशतले घटे। नेपाल माइक्रोइन्स्योरेन्सको मूल्य १० प्रतिशतले बढ्दै सर्किट ब्रेकर छोयो। विन नेपाल लघुवित्त, बोटलर्स नेपाल, सोल्टी होटल लगायतका कम्पनीमा उल्लेखनीय वृद्धि देखियो।

सबैभन्दा बढी गिरावट सिन्धु विकास बैंकमा −७.४ प्रतिशत देखिएको हो ।