काठमाडौं । नेपाल सुपर लिग (एनएसएल) मा एफसी चितवनले लगातार दोस्रो जित निकाल्दै अंक तालिकाको शीर्ष स्थानमा कब्जा जमाएको छ।
शुक्रबार दशरथ रंगशालामा आयोजित रोमाञ्चक खेलमा चितवनले बुटवल लुम्बिनी एफसीलाई १-० गोलले पराजित गर्दै आफ्नो अपराजित यात्रा कायम राखेको हो। चितवनको जितमा टोरिक जब्रिन निर्णायक पात्र बने। उनले खेलको दोस्रो हाफको इन्जुरी समयको पहिलो मिनेटमा डिबक्स बाहिरबाट गरेको शक्तिशाली प्रहार सिधै जाली चुमेको थियो।
यसअघि चितवनले पहिलो खेलमा पोखरा थन्डर्सलाई २-० गोलले पराजित गरेको थियो। लगातार दुई जितपछि चितवन तालिकाको शीर्ष स्थानमा उक्लिएको छ र लिग उपाधिका प्रमुख दाबेदारका रूपमा देखिएको छ।
प्रतिक्रिया