काठमाडौं । नेपाल स्टक एक्सचेञ्ज (नेप्से) मा आज सामान्य वृद्धि देखिएको छ।
बजार परिसूचक ३ दशमलव ३५ अंकले बढ्दै २७०३ दशमलव ३९ अंकमा पुगेको छ। आज कुल ७ अर्ब ७४ करोड रुपैयाँ बराबरको कारोबार भएको छ। बजार वृद्धि भए पनि १५१ कम्पनीको सेयर मूल्य घटेको छ भने ९३ कम्पनीको मूल्य बढेको छ। १३ वटा उपसूचकहरूमध्ये बैंकिङ, हाइड्रोपावर, निर्जीवन बीमा, र अन्य समूहको परिसूचक बढेको छ भने बाँकी नौ समूह ओरालो लागेको छ।
विशेष रूपमा, हिमालयन रिइन्स्योरेन्स र नेपाल पुनर्बीमा कम्पनीको सेयर मूल्यमा भएको वृद्धिले बजारलाई सकारात्मक प्रभाव पारेको देखिन्छ। ग्रीन भेञ्चरको सेयर मूल्यमा भने सकारात्मक सर्किट लागेको छ।
कारोबार रकमका आधारमा पनि हिमालयन रिइन्स्योरेन्स ७१ करोड र नेपाल पुनर्बीमा कम्पनी ५५ करोड अग्रस्थानमा रहेका छन्।
प्रतिक्रिया