काठमाडौं । आजको सेयर बजारमा नेप्से परिसूचक १६.९५ अंकले घट्दै २,६७६.१७ विन्दुमा झरेको छ।
यससँगै बजार शून्य दशमलव ६२ प्रतिशतले ओरालो लागेको हो। कुल ४२ कम्पनीको सेयर मूल्य वृद्धि भएपनि २०१ कम्पनीको सेयर मूल्य घट्यो । कारोबारको हिसाबले ५६,५४८ पटकको कारोबारबाट ५ अर्ब ७९ करोड ७७ लाख रुपैयाँ बराबरको सेयर किनबेच भएको छ। आज १ करोड ६ लाख ७० हजार ६४९ कित्ता सेयर कारोबार भए।
व्यापार उपसमूह बाहेक सबै उपसमूह ओरालो लागेका छन्। सेयर मूल्य घट्ने प्रमुख कम्पनीहरूः गार्डियन माइक्रो लाइफ इन्स्योरन्स, विशाल बजार कम्पनी, राधी विद्युत्, सयपत्री हाइड्रोपावर, एनआरएन इन्फ्रास्ट्रक्चर एन्ड डेभलपमेन्ट बैंक। लगानी गुमाउने अन्य कम्पनीहरूः गुराँस लघुवित्त, उपकार लघुवित्त, छ्याङदी हाइड्रोपावर, दोर्दी खोला जलविद्युत्, आरबीबी म्युचुअल फन्ड २ रहेका छन् ।
आजको गिरावटले सेयर बजारमा पुनः मन्दीको संकेत देखिएको विश्लेषकहरूले बताएका छन्।
प्रतिक्रिया