काठमाडौं । पछिल्ला केही दिनयता नेपाली बजारमा सुनको मूल्य निरन्तर उकालो लागेको छ।
नेपाल सुनचाँदी व्यवसायी महासंघका अनुसार मंगलबार सुनको मूल्य अहिलेसम्मकै उच्च बिन्दुमा पुगेको छ। महासंघका अनुसार अघिल्लो दिनको तुलनामा मंगलबार सुनको भाउ प्रति तोला १ हजार ८०० रुपैयाँले वृद्धि भएर १ लाख ७९ हजार ७०० रुपैयाँमा कायम भएको छ।
यसअघि सोमबार छापावाल सुनको मूल्य १ लाख ७७ हजार ९०० रुपैयाँ प्रतितोला थियो। यसैबीच, चाँदीको मूल्य भने अघिल्लो दिनको तुलनामा कुनै परिवर्तन नभएको व्यवसायी महासंघले जनाएको छ।
सोमबार प्रतितोला २ हजार ३५ रुपैयाँमा कारोबार भएको चाँदी मंगलबार पनि सोही मूल्यमै स्थिर रहेको छ।
प्रतिक्रिया